Ei obligatòri declarar era Plusvalua?
Òc.
Qui a de presentar era declaracion?
A de presentar era declaracion eth subjècte passiu der impòst, qu'ei:
a) Enes transmissions a títol lucratiu, a de presentar era declaracion der impòst era persona qu'aquerisque eth terren o favor de qui se constituïsque o transmete un dret reau (per exemple: qui arrecep ua donacion, er ereu, qui arrecep er usufructe, eca.).
b) Enes transmissions a títol onerós, a de presentar era declaracion era persona que transmet eth terren o que transmet o constituís eth dret reau (per exemple: eth venedor en ua crompavenda, eth que permute ua finca, eca.).
S’er obligat tributari ei ua persona fisica non residenta en Espanha, era lei preve que, en aguest cas, er obligat a presentar era declaracion ei qui aquerisque eth terren o a favor de qui se constituïsque o transmete eth dret reau (per exemple: quan qui ven un immòble urban ei un non resident en Espanha, er obligat a presentar e pagar er impòst ei eth crompador).
Quan cau presentar era declaracion?
Eth termini entà presentar era declaracion ei:
a) Es transmissions que se hèsquen per actes intervius, 30 dies abils dempús dera data dera transmission (per exemple, era data dera escritura de crompavenda).
b) En cas d’actes per causa de mòrt, eth termini ei de 6 mesi (ampliable a 1 an a peticion deth subjècte passiu) a compdar dera data dera transmission (data dera decés).
Era declaracion la cau presentar amassa damb era documentacion corresponenta. Entà mès informacion, consultatz er apartat Tràmits.
S'era declaracion se presente dehòra de termini, er OAGRTL aplique un recargue per declaracion extemporanèa que pòt arribar ath 20% mès interèssi de demora
