Gestion
Es principaus foncions deth departament de Gestion Tributària son:
- Era confeccion e mantenença e melhora des padrons de recebuts des impòsti de venciment periodic e notificacion collectiva (Impòst sus Bens Immòbles —IBI—, Impòst sus Activitats Economiques —IAE—, Impòst sus Veïculs de Traccion Mecanica —IVTM—).
- Liquidar e gestionar er Impòst sus er Increment de Valor des Terrens de Natura Urbana (Plusvalua).
- Emission e notificacion des liquidacions d’ingrès dirècte.
- Mantenença des tipes impositius des impòsti delegadi qu'an estat aprovadi pes diferenti ajuntaments entà cada exercici impositiu.
- Autrejament o desestimacion des bonificacions e exempcions establides legauments e enes ordenances fiscaus municipaus.
- Resolucion des recorsi presentadi contra actes de gestion tributària.
- Confeccion e mantenença des fichèrs de contribuents der OAGRTL.
- Gestion cadastrau: a compdar deth convèni signat eth 8 de març de 2005 damb era Direccion Generau deth Cadastre, er OAGRTL (a trauès deth departament de Gestion) da de nauta en Cadastre es alteracions fisiques e economiques des bens immòbles urbans.
- Confeccionar es expedients entara compensacion as ajuntaments e ara Deputacion dera bonificacion ara quòta der IAE des cooperatives e era compensacion des bonificacions ar IBI des autopistes de peatge e des centres d'ensenhament concertadi.
Resumit deth nombre d’ajuntaments dera província de Lhèida as que, pendent er an 2008, er OAGRTL li a gestionat er IBI (Impòst sus Bens Immòbles), IAE (Impòst sus Activitats Economiques), IVTM (Impòst sus Veïculs de Traccion Mecanica) e IIVTNU (Impòst sus er Increment de Valor des Terrens de Natura Urbana - Plusvalua):
IBI 225 municipis
IAE 226 municipis
IVTM 129 municipis
IIVTNU 84 municipis